श्री शिव बिल्वाष्टकम Bilvashtakam Lyrics in Hindi

श्री शिव बिल्वाष्टकम Shiva Bilvashtakam lyrics in Hindi language. बिल्वाष्टकम हिंदी में Vilvastakam Hindi Lyrics. Bilvashtakam Stotra is dedicated to Lord Shiva. This is an important prayer to be chanted while doing Shiva pooja with Bilvapatra or Bael leaf. Bilvashtakam video song can be watched after the Hindi Lyrics. Vilvastakam sung by Pujya Bhaishree Rameshbhai Oza.

बिल्वाष्टकं Bilvashtakam Lyrics in Hindi Language

त्रिदलं त्रिगुणाकारं त्रिनेत्रं च त्रयायुधम् ।
त्रिजन्मपाप-संहारमेकबिल्वं शिवार्पणम् ।।1।।

त्रिशाखैर्बिल्वपत्रैश्च ह्यच्छिद्रै: कोमलै: शुभै: ।
शिवपूजां करिष्यामि ह्येकबिल्वं शिवार्पणम् ।।2।।

अखण्डबिल्वपत्रेण पूजिते नन्दिकेश्वरे ।
शुद्धयन्ति सर्वपापेभ्यो ह्येकबिल्वं शिवार्पणम् ।।3।।

शालिग्रामशिलामेकां विप्राणां जातु अर्पयेत्।
सोमयज्ञ-महापुण्यमेकबिल्वं शिवार्पणम् ।।4।।

दन्तिकोटिसहस्त्राणि वाजपेयशतानि च ।
कोटिकन्या-महादानमेकबिल्वं शिवार्पणम् ।।5।।

लक्ष्म्या: स्तनत उत्पन्नं महादेवस्य च प्रियम्।
बिल्ववृक्षं प्रयच्छामि ह्येकबिल्वं शिवार्पणम् ।।6।।

दर्शनं बिल्ववृक्षस्य स्पर्शनं पापनाशनम्।
अघोरपापसंहारमेकबिल्वं शिवार्पणम् ।।7।।

काशीक्षेत्र निवासं च कालभैरव दर्शनम्।
प्रयागमाधवं दृष्ट्वा एक बिल्वं शिवार्पणम् ।।8।।

मूलतो ब्रह्मरूपाय मध्यतो विष्णुरूपिणे ।
अग्रत: शिवरूपाय ह्येकबिल्वं शिवार्पणम् ।।9।।

बिल्वाष्टकमिदं पुण्यं य: पठेच्छिवसन्निधौ।
सर्वपापविनिर्मुक्त: शिवलोकमवाप्नुयात्।।10।।

इति बिल्वाष्टकं सम्पूर्णम्।।

Bilvashtakam Video Song – Pujya Bhaishree Rameshbhai Oza